24-27.06.2024

Artpolis ka organizuar katër punëtori “Fuqia e Dashurisë” më 24-27 qershor, 2024. Me këtë rast është prezantuar edhe dokumentari “Biba May – Jo Më”.

Këto punëtori janë organizuar në bashkëpunim të ngushtë me KRCT (Qendra Kosovare për Rehabilitimin e të Mbijetuarve të Dhunës) dhe Qendrën për Promovimin e të Drejtave të Grave në Drenas. Dy prej tyre kanë zënë vend në ambientet e KRCT-së Prishtinë, dhe dy prej tyre në Drenas tek Qendra për Promovimin e të Drejtave të Grave.

Punëtoritë ishin të fokusuara në mendimin pozitiv, arritjet, vlerat dhe sistemin e mbështetjes. Prezantimi dhe komunikimi unik i Shqipe Malushit mundësuan pjesëmarrësve të qeshin, të qajnë dhe të ndajnë ndjenjat e tyre më të thella.

Pas përfundimit të dokumentarit “Biba May – Jo Më”, protagonistja Resmije Rahmani bisedoi me gratë për jetën e saj, duke i motivuar dhe frymëzuar ato të fokusohen në ëndrrat e tyre.

Gratë ishin jashtëzakonisht të lumtura pas një dite ku kanë ndarë me njëra-tjetrën shpresat për të ardhmen e tyre.

Katër punëtori të tjera do të organizohen gjatë muajit shtator në Gjakovë.

Këto aktivitete janë organizuar nga Artpolis në bashkëpunim me KRCT-në në Prishtinë dhe Qendrën për Promovimin e të Drejtave të Grave në Drenas me mbështetje të Fondacionit Joseph Handleman dhe Dr. Hedwig Stauffer Stiftung.