11.10.2023

Artpolis ka realizuar më 11 tetor, 2023 trajnimin “Edukimi i grave të reja mbi feminizmin” në Gjimnazin “Ismail Qemali” në Kamenicë.

17 vajza të reja të Kamenicës kanë zhvilluar njohuritë e tyre rreth feminizmit, duke ndarë mes vete sfidat e problemet me të cilat ballafaqohen në përditshmëri.

Ligjëruese e këtij trajnimi ishte aktivistja Liridona Osmanaj, e cila foli për termet feministe, valët e feminizmit, lëvizjet e fushatat feministe, si dhe format e mënyrat që vajzat mund të ndjekin për t’u fuqizuar, e të fuqizojnë të tjerat.

Përveç kësaj vajzat kanë mbajtur edhe një kuiz, e lojëra të tjera argëtuese përmes së cilës mësimi feminist bëhet edhe më kuptimplotë.

Ky trajnim u realizua edhe me mbështetjen e Komunës së Kamenicës, respektivisht Drejtorisë së Arsimit.

Artpolis përkrahet nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC), Suedia dhe Qeveria e Dukatit të Madh të Luksemburgut.

#artpolis #kcsf #feminist