22.03.2023

Artpolis, në bashkëpunim me KVRL dhe Zyrën për Barazi Gjinore në Malishevë, ka mbajtur trajnimin “Edukimi i grave të reja mbi feminizmin”, më 22 mars, 2023.

Në Asamblenë Komunale në Malishevë, 21 vajza patën rastin të mësojnë dhe të diskutojnë mbi feminizmin, shqetësimet e tyre dhe mundësitë që i kanë për të thyer tavanin e qelqit.

Ky trajnim u udhëhoq nga aktivistja dhe feministja Liridona Osmanaj, që ligjëroi mbi feminizmin, historinë feministe, termet dhe valët e feminizmit etj.

Gjithashtu, në këtë trajnim nuk munguan lojëra të ndryshme që e bënë trajnimin më argëtues, e poashtu nuk mungoi debati ndërmjet vajzave për temën e feminizmit.

Artpolis përkrahet nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC), Suedia dhe Qeveria e Dukatit të Madh të Luksemburgut.

#artpolis #kcsf #feminist #women #young #educating #activist