25.09.2020

Inspiruar nga natyra dhe bukuritë e saja të fshatit Kukaj, aty ku hapësira dhe çdo gjë që e rrethon këtë ambient është në harmoni me tokën dhe qiellin, nisi një tregim i jashtezakonshëm i performancës “Gjuetaret e Artemidës”. Ky proces krijues filloi nga një vizitë në natyrën e qetë, që ishte shërim për trupin dhe shpirtin, e që e frymëzoi regjisoren Zana Hoxha, të krijojë një vepër që është në përputhje me natyrën si perëndeshë shëruese, burim i jetës dhe energji e pashtershme. “Gjuetaret e Artemidës” dalëngadalë u formësuan duke personifikuar shpirtin e një gruaje të pavarur duke bërë ritualet pagane dhe duke dhënë dashuri e solidaritet në harmoni me natyrën. Koreografia, muzika, kostumet dhe performanca e aktoreve, janë rezultat i emocioneve dhe ndjenjave që zgjoi kjo simbiozë e natyrës me gruan, dhe artin, e cila u përshtat plotësisht me vendin, atmosferën dhe ngjarjen e Etno Fest-it.
Performancë skenike “Gjuetaret e Artemidës”
Nga: Zana Hoxha
Muzika: Arbër Salihu
Koreografia: Robert Nuha
Aktoret: Aurita Agushi, Semira Latifi, Donikë Ahmeti, Daniela Markaj, Qëndresa Kajtazi, Hajat Toçilla, Fitore Jashari.
Kostumograf: Arbnor Brahimi
Asistente teknike: Elira Lluka

Foto : Meddi Huduti