29.08.2023

Festivali i Teatrove në Ferizaj ishte nikoqir i shfaqjes “Sober” me regji të Butrint Pashës, më 29 gusht, 2023.

Hapësira e Kinemasë së Qytetit u shndërrua në një “qendër rehabilitimi nga varësitë”. Audienca pati rastin të përjetojë ngjarje trishtuese dhe prekëse, momente të qeshurash e histori inspiruese për triumfin e njerëzve ndaj varësive që marrin çdo ditë jetë.

“Sober”, e cila bazohet në veprën e Duncan MacMillan “Njerëz, vende dhe gjëra”, u prezantua në kuadër të edicionit të 53-të të këtij festivali të rëndësishëm në Kosovë.

Performanca e Trupës Artistike Rezidente të Artpolis, me mesazhe prekëse, depërtoi thellë në mendjen e të pranishmëve dhe shfaqja u mbyll me duartrokitje dhe emocione nga publiku në Ferizaj.