Donikë Ahmeti

Donikë Ahmeti është aktore, performuese, producente dhe aktiviste. Ajo ka luajtur në dhjetëra shfaqje teatrore për më shumë se një dekadë duke bashkëpunuar me shumë regjisore/ë vendore/ë dhe të huaj.

Donika është aktore rezidente në Qendrën për Art dhe Komunitet – Artpolis që nga viti 2021, dhe ka luajtur në shfaqjet si “Toka e Shpirtrave të Trazuar” me regji të Zana Hoxhës, “Totem dhe Tabu” nga Robert Nuha me regji të Zana Hoxhës, “Top Girls” me regji nga Shkurte Aliu, dhe “Gjuetaret e Artemidës” me regji të Zana Hoxhës etj. Përveç angazhimit si aktore ajo është edhe trajnere në trajnimin “Edukimi i Bazuar në Teatër”.

Disa nga bashkëpunimet e saj të tjera përfshijnë performancën “Shkrepëtima” nga Petrit Halilaj, “Pantallonat e Kangusë” nga Melihate Qena, “Pergynti nga Kosova” me regji të Agon Miftarit, “Nana dhe fëmija” nga Bekim Lumi etj. Donika poashtu ka qenë pjesë e disa filmave dhe serialeve vendore.