05.06.2024

Më 5 qershor 2024, Qendra Burimore për Mësim dhe Këshillim “Nëna Terezë” në Mitrovicë ishte nikoçire e shfaqjes forum teatër “Tjetri”, e cila i ofroi publikut një eksplorimin në çështje të ndjeshme shoqërore. Kjo shfaqje, e realizuar nga një grup i larmishëm aktorësh të rinj të mentoruar nga Shpëtim Selmani dhe Qendresa Kajtazi të Ansamblit Artpolis, trajtoi tema të diskriminimit gjinor dhe racor, veçanërisht në kontekstin e intervistave të punës.

“Tjetri” trajtoi me mjeshtëri problemet e përhapura si abuzimi me pushtetin, ngacmimi seksual, racizmi dhe bullizmi. Përmes skenave të saj prekëse, shfaqja vuri në dukje sfidat me të cilat përballen grupet e margjinalizuara, veçanërisht gratë dhe pakicat kombëtare. Duke përdorur formatin e forum teatrit, narrativa angazhoi në mënyrë efektive audiencën, duke i lejuar ata të hyjnë në këpucët e personazheve dhe të diskutojnë çështjet e paraqitura në skenë.

Trupa e aktorëve, që përfshinte Aleksandra Pepkolaj, And Haziri, Blerza Krasniqi, Debora Pacarizi, Elmedin Hyseni, Era Bujupaj, Ismail Pireva, Jor Hoxha, Laurant Gashi dhe Leart Ademi, dhanë performanca të fuqishme që rezonuan thellë me shikuesit. Portretizimet e tyre nxiti diskutim dhe reflektim të rëndësishëm me publikun, duke përmbushur synimin e shfaqjes për të nxitur dialog mbi çështjet kritike sociale.

Njëra nga pjesëmarrëset e shfaqjes dhe trajnimit Edukimi i Bazuar në Teatër e ka vlerësuar si një përvojë të jashtëzakonshme.

“Kam kaluar shumë mirë në shfaqje. Më ka pëlqyer shumë mënyra se si kemi dhënë ide të ndryshme dhe kemi ndryshuar shumë gjëra përgjatë procesit që shfaqja të dalë sa më mirë. Qendresa dhe Shpëtimi (trajnerët) e kanë bërë këtë proces shumë argëtues. Artpolis është duke më dhënë shumë përvoja të mira. Mezi po pres për trajnime të ardhshme. Përmes Artpolisit, kam kuptuar që më pëlqen aktrimi dhe është diçka që e bëj me shumë qejf. Jam shumë e kënaqur pasi kam njohur njerëz shumë të mirë,” u shpreh Debora Paçarizi.

Kjo shfaqje inkurajoi diskutime proaktive për luftimin e diskriminimit dhe mbështetjen e komuniteteve të margjinalizuara.

Ky aktivitet u organizua nga Artpolis me mbështetje të Ambasadës së Amerikës në Kosovë.