Performanca “Copë-Copë” e cila shpalosi realitetin e heroinave të cilat i mbijetuan sfidave të jetës, u shfaqë me 12 nëntor 2017, në natën e katërt në festivalin e teatrove Othello në qytetin e Gostivarit, Maqedoni.

“Copë-Copë” trajton fatin biologjik të gruas dhe jetën e vështirë të saj në mentalitetin patriarkal. Artistet dhe mbijuetuejsa e dhunës sëbashku u mbledhën për të ndarë me publikun copëza përjetimesh nga jeta e tyre. Interpretime të përbashkëta të artisteve dhe të mbijetuarës së dhunës në hapsirën e njëjtë riaktualizuan forcën që ato kanë gjetur për t’u përballur me realitetin.