Aktivitetet Shfaqjet Teatrale

Shfaqja "Copë – Copë" – Ferizaj

11 Tetor, 2017

Shfaqja “Copë Copë”, e cila është dhënë premierë në vitin 2015-të, këtë herë udhtoi për në qytetin e Ferizajit më datë 26 shtator 2017, pikërisht në Teatrin e Qytetit “Adriana Abdullahu”.

“Copë-copë” trajton fatin biologjik të gruas dhe jetën e vështirë të saj në mentalitetin patriarkal. Artistet dhe mbijuetuejsa e dhunës sëbashku u mbledhën për të ndarë me publikun copëza përjetimesh nga jeta e tyre. Interpretime të përbashkëta të artisteve dhe të mbijetuarës së dhunës në hapsirën e njëjtë riaktualizuan forcën që ato kanë gjetur për t’u përballur me realitetin.

Shfaqja e cila riaktualizoi disa nga temat më të ndjeshme me të cilat përballet shoqëria jonë, sidomos vajzat dhe gratë, arriti të përcojë mesazhin e duhur në sallën e teatrit “Adriana Abdullau”, e cila ishte përplot me të rinjë e të reja.

Dramaturge: Blerta Zeqiri

Regjia: Zana Hoxha Krasniqi

Luajtën: Melihate Qena, Anisa Ismajli, Donikë Ahmeti, Qendresa Kajtazi, Albina Kelmendi dhe Bashkime Sulejmani.

Performanca është produksion i Qendres për Art dhe Komunitet – Artpolis, ndërsa është përkrahur nga CFD.

Faleminderit Ferizaji për ngrohtësinë që na dhuruat!

Photo credits: Artpolis – Art and Community

Photographer: Hana Arapi

You may also like