Artpolis

Shfaqja “Unë jam pasuri” rrëfim dashurie që sfidon racizmin

01.04.2022

Inspiruar nga një ngjarje e vërtetë të premten, 01.04.2022, është prezantuar shfaqja forum teatër “Unë jam pasuri” në Amfiteatrin e Fakultetit të Arteve.

Të rinjtë dhe të rejat e komuniteteve Romë, Ashkalinj e Egjiptian nga Fushë Kosova me guxim kanë goditur racizmin, paragjykimet, stereotipet e normat shoqërore përmes shfaqjes “Unë jam pasuri”.

Një rrëfim dashurie ndërmjet një vajze rome dhe një djali shqiptar shpërfaq mendësinë patriarkale e racizmin që është i shprehur në shoqërinë kosovare. Për ta dallimet etnike dhe barrierat që vendosin familjet e shoqëria janë një absurd, por janë të bindur se së bashku mund të arrijnë të dëshmojnë se dashuria tejkalon barrierat e etnisë, racës a fesë.   

Pas shfaqjes një diskutim aktiv u bë me publikun, rreth 25 persona, që parashtruan pyetje të shumta e komentuan mbi situatat e dallimet që mund të kemi.

Me këta të rinj për dy muaj kanë punuar aktoret e Trupës Artistike Rezidente të Artpolis, Qendresa Kajtazi dhe Donikë Ahmeti. 

Në këtë shfaqje luajtën: Mimoza Baftia, Valmir Bajrami, Arife Avdullahi, Resul Krasniqi, Sejad Gashi, Ramize Shabani, Muhamet Osmani, Kimete Osmani, Mualik Rexhepi, Abdukadir Stolla, Ensar Mustafa.

Derisa facilitimi i shfaqjes u bë nga Ardijan Krasniqi.

Ky aktivitet u mbështet nga SDC.

#artpolis #sdc #art #community #forumtheatre #prishtinë

0Shares