Artpolis

“Totem dhe Tabu” – premiera e parë e trupës rezidente të Artpolisit

18.05.2021

Fillimi i udhëtimit me “Totem dhe Tabu” si shfaqja e parë e trupës rezidente e Artpolisit ishte mahnitës si për publikun ashtu edhe për trupën dhe stafin e Artpolisit.

Gërshetimi i dansit, aktrimit, këngës dhe vokalit të aktorëve e kompletoi performancën duke përmbushë pritshmërinë e audiencës, i cili me padurim priti prezantimin e shfaqjes dhe të cilën e kurorëzoi me duartrokitje të gjata.

“Totem dhe Tabu” trajtoi shqetësime të mëdha shoqërore, ndikimin e pandemisë, barazinë gjinore, mentalitetin dhe pasojat e sistemit patriarkal, hipokrizinë shoqërore, dhunën, dashurinë, lumturinë duke dhënë indikacione të vazhdueshme të kërkimit të dashurisë së vërtetë, paqes dhe qetësisë shpirtërore.

Nën dritën e zbehtë të skenës, loja e shkëlqyer e aktorëve u mbështet mjeshtërisht nga ngjyra e kuqe e kostumeve që pasqyronte revoltën, protestën, xhelozinë, urrejtjen por edhe dashurinë dhe solidaritetin e ndërsjellë.
Historitë e trishta dhe të rënda të shtjelluara përmes kërcimit dhe edhe përmes humorit na kujtuan që jetesa sfidohet në forma të ndryshme, por që ne jemi ata që i japim ngjyrë.

Shfaqja dans teatër u realizua nën koreografinë e Robert Nuhës, përderisa regjisorja e teatrit Zana Hoxha kësaj radhe kontribuoi me dramaturgji.

Koreograf: Robert Nuha
Dramaturgjia: Zana Hoxha

Aktorët: Donikë Ahmeti, Qëndresa Kajtazi, Ismail Kasumi , Edlir Gashi, Kaltrinë Zeneli, Mikel Markaj, Zhaneta Xhemajli, Blerta Gubetini.

Muzika/Piano: Alzan Gashi.
Kostumografe: Yllka Brada
Asistente teknike: Elira Lluka

Ndriçimi: Mursel Bekteshi
Inspiciente: Nazmije Krasniqi
Rrobaqepës: Shemsi Avdiu, Lulzime Halimi, Remzie Haziri

Përkrahur nga: cfd, ABGJ dhe Teatri Kombëtar i Kosovës.

📸 Meddy Huduti

0Shares