15.04.2024

Pas performancës “Gratë e Trojës”, u zhvillua një diskutim i gjallë midis artistëve dhe audiencës në Kino Lumbardhi më 15 prill, 2024, duke i bërë jehonë temave të fuqishme të eksploruara në shfaqje. Facilituar nga regjisorja Zana Hoxha, pyetjet dhe komentet e publikut iu drejtuan artistëve përkatës.

Komentet “Jo më luftë” dhe “Mesazhi shumë i fortë! Gratë janë të forta!” nënvizuan ndikimin e performancës. Të pranishmit përmes komenteve të tyre vlerësuan mesazhet e qarta dhe paqësore të përcjella, duke shprehur mirënjohjen për përfaqësimin gjithëpërfshirës në skenë.

Një pjesëmarrës tha: “Më vjen mirë që shoh në një skenë pa ndonjë ofendim në komunitet. Ju lumtë!” Një tjetër theksoi rëndësinë e komunikimit shumëgjuhësh, duke thënë: “Më pëlqeu shumë komunikimi në shqip dhe serbisht”.

U theksua se thelbi i shfaqjes kishte për qëllim t’i tejkalojë barrierat gjuhësore, duke rezonuar përmes gjuhës universale të gjuhës së trupit dhe emocioneve të përbashkëta.

Teksa artistet/ët iu përgjigjen pyetjeve dhe komenteve me dashamirësi, diskutimi përfundoi me fjalët mirënjohëse të Zana Hoxhës. Ajo falënderoi të gjithë të pranishmit për pjesëmarrjen e tyre aktive, duke vlerësuar kontributin e donatorëve, artistëve, stafit teknik dhe ekipit të përkushtuar të Artpolis.

Ky diskutim është organizuar nga Artpolis me mbështetjen e UNFPA (përmes projektit ‘Youth 4 Inclusion, Equality & Trust), Bashkimi Evropian dhe Ambasada e Amerikës në Kosovë.

Partnerë në këtë aktivitet janë Artpolis dhe Helsinski Odbor për të Drejtat e Njeriut (Serbi).